الغيبوبة الكيتونية السكريه (DKA)
هنتكلم النهارده عن أخطر مضاعفات مرض السكر…
⬅️ وهي الغيبوبة الكيتونية السكريه (DKA)،
حالة من أخطر الحالات اللي بنشوفها في الطوارئ…
🎯 قبل ما تبدا احب اعرفك ان الموضوع ده صعب جدا
وانا معرفش دماغي كانت فين وانا بفكر اكتبه ،
بس اوعدك هتستمتع 💖
هو موضوع #للكبار_فقط .
✅️ كنت اتكلمت في بوستات سابقة على القناة عن إيه
هو مرض السكر، وأنواعه (النوع الأول والثاني)، وغيبوبة نقص السكر. لو حابب تعرف أكتر تقدر ترجع لهم على القناة. ✅️
🎤 مريض السكر اللي بيوقف علاج السكر، حاجة من اتنين؟؟
1️⃣ ماشي على نظام الطيبات، وبيوقف العلاج من دماغه...
يبقى هو موت نفسه واستريحنا منه ووفر مكان لغيره.
2️⃣ فيه ناس تانية غلابة، مش أول لما يقولك: "أنا وقفت العلاج"، تقوله: "إنت بتستهبل". فيه ناس فعلًا موقفة العلاج
علشان مش معاها فلوس تجيب الأنسولين أو البرشام،
فده ممكن يكون وقف العلاج يومين لحد لما يتصرف،
أو يعمل قرار علاج،و يصرفه على نفقة الدولة.
☢️ تعالوا بقى بعد المقدمة دي هنتكلم عن…
🎯 الغيبوبة الكيتونية السكرية
(Diabetic Ketoacidosis - DKA).
⛔️ يعني إيه الغيبوبة الكيتونية السكرية DKA؟
⬅️ مريض عنده سكر، يعني الجسم بتاعه مفيهوش أنسولين كفاية... فالجسم هيتصرف إزاي؟؟
⚠️الجسم بيحتاج الأنسولين علشان يدخل السكر إلى الخلايا ويستخدمه كمصدر للطاقة.
🚫 لما الأنسولين يقل جدًا أو يختفي…
خلايا الجسم بتتصرف كأنك صايم ومش لاقي سكر.
⚠️ رغم إن السكر في الدم عالي جدًا، بس مش عارف يدخل جوه الخلايا وتستفيد منه، علشان مفيش أنسولين.
⬅️ فجسمك مش هيقف يتفرج، فيبدأ يحرق الدهون بدل السكر.
➡️ أثناء حرق الدهون بيتكون مواد اسمها الكيتونات (Ketones)، ودي مواد حمضية، ولما بتزيد في الدم بيحصل:
🔴 زيادة شديدة في حموضة الدم
(Metabolic Acidosis)،
وده هتعرفه لما تطلب تحليل غازات الدم VBG.
🔴 جفاف شديد بسبب فقدان كميات كبيرة من البول.
🔴 اضطراب في أملاح ومعادن الجسم،
وخصوصًا البوتاسيوم (K⁺).
🔴 ولو الحالة متعالجتش، المريض بيدخل في غيبوبة، وقد تؤدي للوفاة إذا لم تُعالج بسرعة.
.................…
⛔️ مين أكثر الناس عرضة اللي يجيلهم غيبوبة السكر؟
✅ مرضى السكر النوع الأول (Type 1) هم الأكثر عرضة.
✅️ لكن ممكن تحصل أيضًا لمرضى السكر النوع الثاني (Type 2)
في بعض الظروف الشديدة، مثل العدوى أو التعب الشديد.
✅️ وحاجة ممكن أول مرة تسمعها…
ممكن أول مرة تشخص مريض سكر، يجيلك أصلًا بالغيبوبة الكيتونية السكرية DKA.
.................…
⛔️ إيه الأسباب اللي تخلي مريض السكر يدخل في DKA؟
1️⃣ نسي ياخد جرعات الأنسولين،
أو ماشي على نظام الطيبات ووقف العلاج من نفسه.
2️⃣ عدوى شديدة مثل:
- التهاب رئوي.
- التهاب بول.
- خراج.
- التهابات شديدة بالجسم.
3️⃣ الحوادث والإصابات.
4️⃣ العمليات الجراحية.
5️⃣جلطه ف القلب
.................…
🚨 المريض هيجيلك الطوارئ يشتكي من إيه؟
أي مريض سكر داخل بـ:
✔️ ترجيع.
✔️ ألم بطن، واخد البطن كلها، وغالبًا بيكون في منطقة فم المعدة.
✔️ جفاف.
✔️ تنفس سريع وعميق جدًا
(Kussmaul Breathing)،
وريحة نفسه أسيتون، زي التفاح.
✔️ وتلاقيه مدروخ، وعنده اضطراب في درجة الوعي،
وممكن لو متلحقش واتعالج بسرعة يدخل في غيبوبة كاملة.
🎤 لو لقيت الأعراض دي في مريض عنده سكر،
وخصوصًا لو سكر نوع أول، لازم أول حاجة تستبعد الغيبوبة الكيتونية السكرية DKA. 🚸
.................…
⛔️🔬 أشخصها إزاي؟
مريض داخل عليك الطوارئ، شاكك إنه داخل في غيبوبة السكر الكيتونية DKA.
هشخصه بـ ٣ حاجات:
1️⃣ أعمله سكر عشوائي، هتلاقيه أكتر من 250 mg/dL.
2️⃣ أسحب غازات دم VBG، هلاقي فيه حموضة في الدم
Metabolic Acidosis.
3️⃣ أجيب شريط أسيتون، وأقوله يدخل الحمام يجيب شوية بول في كوباية، وأشوف نسبة الأسيتون:
+ ، ++ ، +++
⬅️ وأشوف كمان نسبة البوتاسيوم K⁺.
🎤 لو لقيت 1️⃣ و2️⃣ و3️⃣ دول، يبقى أشخص DKA.
....................…
⛔️🚑 العلاج؟
دي حالة طوارئ، والمريض محتاج يدخل رعاية علشان يتظبط.
ونظرًا طبعًا لأن مفيش أماكن رعاية متوفرة…
والمريض لو فضل كده، سكره عالي، وعنده حموضة في الدم، هيموت.
💖💖💖💖 دكاترة الطوارئ اللي بنزل معاهم في المستشفى،
ربنا يباركلهم، بيقدروا يتعاملوا مع الحالات دي في الطوارئ، وممكن نقعدها معانا يوم كامل (24 ساعة) لحد لما يبدأ يتحسن أو نلاقي له مكان رعاية.
⛔️ العلاج باختصار له 4 أهداف رئيسية (للمعرفة):
1️⃣ تعويض السوائل. 💧
أهم خطوة في العلاج.
2️⃣ إعطاء الأنسولين. 💉
بعد التأكد إن مستوى البوتاسيوم مناسب.
3️⃣ تصحيح البوتاسيوم.
4️⃣ علاج السبب الأساسي اللي دخله في الغيبوبة.
🎯 الخلاصة مع حوده
☑️من أخطر مضاعفات مرض السكر.
✔️ السبب الرئيسي هو نقص الأنسولين.
✔️ التشخيص المبكر ينقذ الحياة.
✔️ متوقفش العلاج من نفسك.
☢️ اللي عاوز نتكلم عن موضوع بالاسم ييعتلي ؟؟
#اتعلم_الطب_مع_حوده 💖
#اتعلم_الطب_مع_حوده
#الغيبوبة_الكيتونية_السكرية
#DKA
#مرض_السكر
