ايه هي جرثومة_المعدة (H.pylori) ؟
#معلومه_طبية_رقم43
🎯 ي حوده عندي وجع في فم المعده ،
هو انا ممكن يكون عندي جرثومه المعده فعلا ؟ 🤔
📢قبل لما نبدا نوضح حاجتين مهمين جدًا ⬇️
1️⃣ فيه اسباب كثير جدا لمريض جي يشتكي
من وجع في منطقه فم المعده
واخطرهم ممكن يكون جلطه في القلب ⚠️
Inferior MI
2️⃣ احنا كمصريين ناس كثير عندها الجرثومه
موجوده في المعده ولكن مش مسببه اي اعراض .
تعالوا بقي بعد المقدمه الذيذه ، نعرف أكثر عن الجرثومه
⬅️انا في اخر البوست ده جايب لك العلاج النهائي
لسه ظاهر من شهرين 🫣😂
✍️ بسم الله نبدأ .…
⛔️ ايه هي جرثومة_المعدة (H.pylori) ؟
دي بكتيريا قادره ، عارف يعني ايه تسيب كل الدنيا
وتروح تعيش في المعده 🖲
المعده مليانه احماض قويه بتقتل أغلب الميكروبات 🔥
ولكن الجرثومه دي عندها أدوات واسلحه بتحمي نفسها
من الأحماض دي وتفضل قاعده ولا يهمها حاجه 🧨
......................…
⛔️ الجرثومه دي بتتنقل إزاي من شخص لاخر؟
بتنتقل عن طريق:
✔️ الأكل أو الشرب الملوث
✔️ المياه غير النظيفة
✔️ الأكل من مصدر غير مضمون
✔️ عدم غسل الإيد كويس
وغيرهم بقي كلام الصحه العامه ده 😅
اغسل ايدك قبل وبعد دخول الحمام وقبل وبعد الأكل ❤️
.....................…
⛔️ أعراض جرثومة المعدة ؟
1️⃣ الأعراض البسيطه
✅️ حرقان وألم أعلى البطن في منطقه فم المعدة
✅️ المريض يقولك:
"انا مش مرتاح ومعدتي مقلوبه" وفيه انتفاخات وغازات
✅️ ترجيع أو يقولك نفسي غمه علي
✅️ طعم مر أو حموضة بالفم
✅️ فقدان شهية وممكن وزنه يقل
2️⃣ أعراض خطيرة لو ظهرت لازم تكشف بسرعه 🚨
✅️ ترجيع دم 🩸 ✅️ أو البراز لونه أسود
✅️ فقدان وزن شديد. ✅️ أنيميا مستمرة
✅️ قيء متكرر. ✅️ ألم شديد لا يحتمل
⚠️ دي ممكن تكون الجرثومه عملت قرحه وبتنزف
وهي اللي عاملالك الدم في البراز والأنيميا والكلام ده
.............…
⛔️ طب إيه مضاعفات جرثومة المعدة؟
لو اهملتها وسبتها من غير علاج 😥
💥 التهاب مزمن بالمعدة
💥 قرحة في المعدة والاثني عشر
💥 نزيف بالمعدة
وممكن تعمل ثقب بالمعده ودي حاله طوارئ خطيره جدًا 🚨
💥 أنيميا نقص حديد بسبب النزيف أو ضعف امتصاص الحديد
أو نقص فيتامين B12
............…
⛔️ التشخيص بيكون إزاي؟
الدكتور ممكن يطلب:
1️⃣تحليل براز للجرثومة
H.pylori Ag in Stool
أو
2️⃣ اختبار النفس وده دقيق جدًا
Urea Breath Test
3️⃣وأحيانًا بنعمل منظار معدة خصوصًا لو فيه أعراض خطيرة
أو شك في قرحة أو نزيف
....................…
💊 العلاج ؟
✅️جرثومة المعدة علاجها مش دواء واحد وخلاص
دي فيه بروتوكول عالمي بنمشي عليه ؟؟
فيه علاج ثنائي وعلاج ثلاثي وعلاج رباعي
على حسب الدكتور المعالج 👨⚕️
العلاج بيكون فيه مضاد حيوي ومضاد للحموضة وغيرهم
📢 والعلاج لازم تكمله للآخر حتى لو الأعراض راحت
لأن ناس كتير بتوقف العلاج بدري فترجع الجرثومة تاني
وتبقى مقاومة للعلاج 😥
⬅️وتعيد التحليل تاني بعد العلاج ب4 اسابيع علشان تتاكد انها اختفت ، وتكون موقف ادويه الحموضه قبلها باسبوعين
🍽️ أثناء العلاج اعمل إيه؟
✅ ابعد عن الشبسي والببسي والأكل الحراق والدسم
✅ قلل القهوة والتدخين ✅ اشرب مياه نظيفة
✅ اغسل إيدك كويس. ✅ كل أكل صحي ومنتظم
☠️ العلاج السحري بقي علي رأي الدكتور
ضياء العوضي قال ايه ؟ 😂
بما إن جرثومة المعدة بتعيش في المعدة
فالعلاج هو استئصال المعدة شيل المعده ي معلم😂🥱
..........…
🥰معلش طولت عليكم ،بس اتمني تكونوا استفدوا
وانتظروا اسباب اخري لوجع في منطقه فم المعده
في بوستات قادمه 🔥
لايك وشير 👍
باااااي👋
