فرط التعرق (Hyperhidrosis 💧
#معلومه_طبيه_رقم32
بما ان فيه اخبار بتقول النهارده هتكون نهايه العالم الساعه 12
فقولت تبقي اخر حاجه تقراوها تكون ع صفحتي 🥰 علشان تدعولي لما نموت، وكمل قراءه الموضوع لاخر كلمه ....…
هتعرف ليه🫣؟؟
🚨أوقات الإحراج بيبدأ من ...…
لما تيجي تسلّم بالإيد على شخص 🤝💦 وتتفاجئ إن إيدك مبلولة عرق، مع إنك مش متوتر، ولا قلقان، ولا حتى الجو حر!
أو
طالب داخل الامتحان، وبدل ما يركز في الحل يلاقي إيده
بتعرق جدًا على الورقة 😓✍️
بصراحة… الموضوع بيبقى رخم ومحرج فعلًا.
🎯تعالوا مع بعض نتكلم في البوست ده عن موضوع مهم ⬇️
فرط التعرق (Hyperhidrosis 💧)
✍️ بسم الله نبدأ
⛔️ إيه هو تعريف فرط التعرق؟
مش مجرد زيادة عرق بسبب حر أو توتر…
⬅️الحقيقة إنه زيادة في نشاط الغدد العرقية بسبب إشارات زيادة من العصب السمبثاوي للغدد العرقية، فبتفرز عرق بشكل أكبر من الطبيعي، حتى من غير حر أو مجهود أو توتر.
...............…
⛔️ إيه الأماكن اللي بيظهر فيها العرق؟
غالبًا بيظهر في:
✅️ كف الإيد
✅️ تحت الإبط
✅️القدمين
✅️ الوجه
وده ممكن يأثر بشكل كبير على الثقة بالنفس، الشغل، الجامعة، والمواقف الاجتماعية.
........................…
⛔️ طيب ليه الموضوع ده بيحصل؟ فيه نوعين🤗
1️⃣ نوع أولي (Primary) وده الأشهر،
⬅️وبيكون نتيجة زيادة نشاط الأعصاب السمبثاوية اللي رايحة تغذي الغدد العرقية، فتخليها تفرز عرق بزيادة.
2️⃣ نوع ثانوي (Secondary)
⬅️وده بيكون بسبب مشاكل زي:
- زيادة إفراز الغدة الدرقية
- السكر
- بعض الأدوية
- التهابات
وده لازم يتشخص كويس الأول، لأن العلاج هنا بيكون علاج السبب نفسه.
....................…
⛔️ طيب إيه الحل في المشكلة دي؟؟
مش كل الناس اللي عندها المشكلة دي زي بعض، في درجه العرق
وعشان كده العلاج بيختلف من حالة للتانية.
تعالوا نعرف الحلول ⬇️
1️⃣ مضادات التعرق الطبية والكريمات 🧴
ممكن تساعد جدًا في الحالات البسيطة والمتوسطة، وبتكون أول خطوة في العلاج.
👌لكن خلي بالك
لو الحالة شديدة، فهي غالبًا بتقلل المشكلة فقط ومش بتعالج السبب من جذوره.
2️⃣ جربت الكريمات كتير ولسه مفيش فايدة؟؟ فيه حل أقوى؟
🔅هنا بييجي دور (البوتوكس العلاجي) كواحد من أفضل وأسرع الحلول، خصوصًا لتعرق كف الإيد وتحت الإبط.
(البوتوكس) بيشتغل عن طريق تقليل الإشارات العصبية اللي بتوصل للغدد العرقية، وده بيقلل إفراز العرق بشكل واضح جدًا.
✨ مميزاته:
✔️ نتيجة سريعة خلال أيام
✔️ إجراء بسيط
✔️ تقدر تمارس حياتك طبيعي بعدها
✔️مفعوله بيستمر لحد 6 شهور
3️⃣ الحل الأخير بعد فشل كل الحلول 🧨
لو الحالة شديدة ومستمرّة، هنا بييجي دور
حبايبنا دكاترة جراحة المخ والأعصاب.💖
⬅️الفكرة ببساطة 👨⚕️
بما إن السبب هو زيادة نشاط العصب السمبثاوي،
فممكن يتم قطع أو كي جزء من العصب السمبثاوي المسؤول عن الإشارات الزائدة، وبالتالي يقل العرق بشكل كبير جدًا.
لكن القرار ده بيكون بعد تقييم دقيق جدًا للحالة.
⚠️متسبش المشكلة دي تقلل ثقتك في نفسك..
وبكدا نكون خلصنا النهارده ..
🚨بس استني اخر حاجه علشان محدش يسالني يقولي يا حوده ايدي بتعرق في مواقف بسيطه زي لما اجي اسلم علي
خطيبتي 😍 يبقي انا عندي فرط التعرق ده ؟
✅️هرد عليك اقولك لا طبعا ده اسمه محن او كهن😂😂🤔
باااي 👋
