في هذا المقال
#معلومه_طبيه_رقم38_طواري
🚨 كارثة ممكن تحصل في ثانية… وتنهي حياة طفل!
اقرأ البوست مش هياخد منك دقيقه ، بس ممكن تنقذ طفل🧠
⚠️لو ابنك أو بنتك شرب مادة كاوية 🥹
من المنظفات اللي بتكون موجوده في البيت 🔥
الكلور – الفنيك – مايه النار
– البوتاس دي ماده للتنظيف زمان كانت شكل اللبن🥛
كل دي مواد كيميائية حارقة 🔥
ومن أخطر حالات الطوارئ اللي ممكن تقابل أي أم
✍️ تعالوا مع بعض في البوست ده نعرف هنتصرف ازاي …
⬅️ في حالات كتير جدًا…
الأم بتكون السبب بدون ما تقصد!😣
💥أنا السبب يا دكتور؟
أيوه… لأن الكارثة دي من الأساس كان ممكن ما تحصلش..
⬅️وعلشان كدا اول مره ابدأ بالوقايه قبل العلاج .
⛔️الوقاية (أهم من العلاج 100 مرة)
علشان تمنعي الكارثة من البداية وتريحي دماغك ⬇️
⬅️أي مواد تنظيف للبيت لازم:
✅️تفضل في العلبة الأصلية بتاعتها
✅️تتحط في مكان عالي وبعيد عن الأطفال
✅️تكون مقفولة كويس جدًا ومكتوب عليها
❌ مش اللي بيحصل عندنا:
نحط الكلور في إزازة بيبسي 🥤 ،
أو في زجاجة مياه
أو أي منظفات لونها أبيض محطوطه قدام الطفل
سهل يوصلها و يفتكرها لبن ويشرب!
💣 وهنا بتحصل الكارثة… في لحظة
......................…
⛔️🚑 طب لو حصلت؟! (التصرف الصح فورًا)
لقدر الله… ابنك أو بنتك شرب مادة كاوية🔥
تكوني هاديه وتتصرفي بسرعه.
🧠لازم تفهمي إن:
المواد دي كاويه وهي نازلة بتحرق وتعمل قرح والتهابات🔥
الفم ⬅️الحلق ⬅️ البلعوم ⬅️ المريء ⬅️ المعدة
❌ أهم غلطة بتعملها أي أم
"رجع يا حبيبي… كخ… رجّع!" 😢
⛔ كده انتي بتأذيه أكتر...
ممنوع تمامًا تخليه يرجع❌️
او تحطي إيدك في بقه ❌️
او تخبطي على ضهره❌️
⬅️ ليه ي دكتور انا هخليه يرجع علشان يطلع الماده
اللي بلعها دي و تخرج بره؟
هرد اقولك جدعه ي زينبو ، جدعه ي بت 😂بصوت الشيخ
( اسم الشيخ مين جاوب في التعليقات)❓️اقعدي واسمعي⬇️
💥المادة دي حرقت وهي نازلة في طريقها
ولما تخلية يرجّع، هتحرق تاني وهي طالعه
كدا انتي بتزودي الكارثه
و تدخل على الصدر والرئة،وساعتها ممكن ما يعرفش يتنفس
👍 يبقى أول قاعدة: ممنوع الترجيع نهائيًا❌️
.............…
⛔️ بعد كدا تعمل ايه ؟
شويه لبن صغننين خالص( نص كوبايه )
✔️ لو الطفل واعي قدامك وقادر يبلع
يدوب بس يغسلوا اي بقايا واقفه في البلعوم او المري
وتنزلها المعده وتخفف من تركيز الماده شويه .
⚠️ و فيه دكاتره بتقول ممنوع تعطيه اي حاجه بالفم خالص
لا لبن ولا مياه علشان الطفل ممكن ميكونش واعي كفايه ويرجع.
❌️ممنوع لبن ببيض ، او مياه بملح دول اصلا كدا
هيخلو الطفل يرجع فنخلي بالنا ✔️
⚠️ لو المادة وقعت على هدومه،
✔️ اخلعي هدومه فورًا ، واغسلي جسمه بالمياه
🚨 عملتي الاسعافات الاوليه دي ⬆️
جري بقي فورا🏃♂️
مركز السموم أو أقرب مستشفى طوارئ
وخدي معاكي: الإزازة اللي شرب منها
................…
ملحوظه هامه 🚨
حتى لو ابنك باين عليه كويس بعد لما شرب الماده الكاويه
لازم يكشف ،علشان:
✔️يتقيم صح
✔️التأكد من التنفس
✔️متابعة المريء والمعدة
..........…
🎯 الخلاصة
🛑 الوقاية أهم ألف مرة من العلاج
🛑 ممنوع الترجيع نهائيًا
🛑 شويه لبن صغننين نص كوبايه مثلا
لو الطفل واعي وبيبلع ، مش تشربيه كيلو لبن تخليه يرجع.
🛑 والتحرك فورًا للمستشفى
البوست مهم جدا ، ممكن ينقذ حياته طفل،شير في الخير 👍
وبااي 👋
تابع جديد Dr/ Mahmoud Khaled
اختر إشعارات الموقع أو البريد أو الاثنين. الزائر يقدر يشترك ببريده دون تسجيل حساب.
الإبلاغ عن المقال
لو لاحظت مشكلة في المحتوى، أرسلها لفريق المراجعة. لن تظهر بياناتك لكاتب المقال أو للقراء.
تعذّر إرسال البلاغ الآن. حاول مرة أخرى لاحقًا.
سجّل الدخول لإرسال بلاغ
النقاش
التعليقات (0)
فكرة تضيفها، أو سؤال يفتح حوارًا.
الرجاء تسجيل الدخول لتتمكن من التعليق