الغده الدرقيه مكانها ووظفيتها thyroid gland
⬅️ هنتكلم النهارده عن الفراشة 🦋…
يا ترى مين هي الفراشة دي؟ 🤔
⬅️ كل يوم بنسمع ناس كتير تقول_أنا عندي الغدة
⬅️ مريض بيقولك باكل كتير وبخس ، عندي تعب باستمرار
شعري بيقع ، ضربات قلبي سريعة
🤔 يا ترى إيه علاقة كل الحاجات دي ببعض؟
🎯 دلوقتي أنا جاي أتكلم عن عضو صغير جدًا
شبه الفراشة، لكن منعرفش نعيش من غيره.
💥 النهارده هنتكلم عن الغدة الدرقية 🦋
ركز معايا هتطلع من البوست ده عارف معلومات كتير جدًا كنت بتسمعها قبل كده ومش فاهمها، لكن النهارده هتلاحظ الفرق 🤭
✍️ بسم الله نبدأ…
⛔️ 🦋 إيه هي الغدة الدرقية؟
الغدة الدرقية هي غدة صماء صغيرة على شكل فراشة 🦋، موجودة في مقدمة الرقبة أسفل تفاحة آدم مباشرة.
⬅️ ومعنى غدة صماء؟
يعني غدة بتفرز الهرمونات وتصبها مباشرة في الدم،
فالهرمونات دي تمشي مع الدم وتوصل لأعضاء مختلفة
في الجسم وتقوم بوظيفتها.
🎤 بقولك المعلومة دي ليه؟
علشان بعد شوية لما أقولك إن الغدة الدرقية
مسؤولة عن وظائف معينة، تبقى فاهم إن الهرمون اتفرز من الغدة، ومشى في الدم، ووصل للعضو المطلوب علشان يؤدي الوظيفة دي.
................................…
⛔️ مكانها فين؟
⬅️ موجودة في الجزء الأمامي من الرقبة.
وتتكون من:
1️⃣ فص أيمن.
2️⃣ فص أيسر.
3️⃣ متصلين ببعض بواسطة جزء صغير اسمه البرزخ
(Isthmus).
....................…
⛔️ إيه الهرمونات اللي بتفرزها الغدة الدرقية؟
⬅️ الغدة الدرقية بتفرز هرمونين مهمين جدًا:
🔹 T3 (Triiodothyronine)
🔹 T4 (Thyroxine)
⬅️ وفيه هرمون ثالث اسمه:
🔹 Calcitonin (الكالسيتونين)
وده بيساعد في تنظيم مستوى الكالسيوم في الجسم.
..................…
⛔️ إيه وظيفة الهرمونات دي في جسمنا؟
⬅️ ربنا سبحانه وتعالى خلق كل شيء بمقدار…
والهرمونات دي بتتفرز بكميات صغيرة جدًا، بالميكرو والنانو
لكن تأثيرها كبير جدًا على الجسم كله.
💥 طيب هرمونات T3 و T4 بتتحكم في إيه؟
✅ تنظيم معدل الحرق.
✅ التحكم في وزن الجسم.
✅ تنظيم ضربات القلب.
✅ تنظيم درجة حرارة الجسم.
✅ المساعدة على النمو الطبيعي.
✅ الحفاظ على نشاط المخ والتركيز.
✅ تنظيم عمل الجهاز الهضمي.
📌 باختصار كده…
هرمونات الغدة الدرقية هي:
🔥 "موتور الحرق" في الجسم.
🎯تخيل معايا…
غدة صغيرة بالحجم ده مسؤولة عن كل الوظائف دي!
⬅️ اتفقنا إن الغدة لو شغالة بشكل طبيعي…
هتنظم كل الوظائف دي وتقوم بيها على أكمل وجه.
🤔 طيب لو نشاطها زاد؟🤔أو لو نشاطها قل؟
ايه الاعراض اللي هتظهر والخلل اللي هيحصل ؟؟
كل الأسئلة دي هنجاوب عليها بالتفصيل في البوست القادم…
علشان مطولش عليكم أكتر من كده ❤️
💥 انتظروا البوست الجاي:
“أعراض نشاط وخمول الغدة الدرقية”
وهتبقى معلومات قوية جدًا ومهمة لكل الناس.
⬅️ لو استفدت من البوست اعمل لايك وشير 💖👍
علشان المعلومة توصل لغيرك. باي👋
#اتعلم_الطب_مع_حودة
