الالتهاب الخلوي تعريفه واعراضه والتشخيص والعلاج Cellulitis
#معلومه_طبيه_رقم50
🇪🇬❤️بمناسبة فوز منتخب مصر أم الدنيا 🏆🇪🇬
🎯هنتكلم النهارده في موضوع بسيط وخفيف على الطاير…
⬅️ بنشوفه كتير جدًا في الطواري والعيادات
🚨 مريض داخل يشتكي من:
🔴 احمرار في الرجل ،🔥 سخونة في الجلد
✅️رجله مورمه وفيه الم لما حد يلمسها.
⬅️غالبًا بيظهر في الساقين وبتكون في ناحيه واحده
غالبا تحت الركبه
فيه ناس عرفت من الكلمتين دول انا هتكلم عن ايه😎
🎯 التهاب الخلوي (Cellulitis)
⬅️يالا بقي مع بعض نعرف اكثر عن الموضوع
✍️بسم الله نبدا ..…
⛔️ يعني إيه التهاب خلوي ؟
✅️ هو عباره عن عدوى بكتيرية تصيب الجلد والأنسجة الموجودة تحته مباشرة، وتؤدي إلى احمرار وتورم وألم وسخونة في المكان المصاب.
..................…
⛔️ إيه اللي يخلي الشخص يجيله التهاب خلوي؟
قولنا بيكون عباره عن عدوي ،البكتيريا بتدخل الجسم
من خلال أي فتحة أو جرح في الجلد مثل:
✅ جرح أو خدش بسيط
✅ تشققات القدم
✅ التهابات فطرية بين أصابع القدم
✅ قرح مرضى السكر (ركز هنا🫡)
..............…
⛔️وأشهر البكتيريا المسببة:
نوعين مشهورين بعدوي الجلد وهما :
🦠 Streptococcus
🦠 Staphylococcus aureus
...............…
⛔️ مين الناس الأكثر عرضة للإصابة؟
ممكن يجي ف اي حد ولكن دول الاكثر عرضه ::
🔹 مريض السكر
وده انا اول لما الاقي مريض جاي وعنده الالتهاب خلوي اول حاجه اساله عليها انت مريض سكر .
🔹 مرضى السمنه
🔹 الناس اللي مناعتهم ضعيفه
🔹 مرضى الفشل الكلوي أو الكبدي
🔹 اللي عندهم تورم مزمن بالساقين
🔹 مريض الدوالي واللي عندهم ضعف في الاورده والشرايين
...................…
⛔️ايه الأعراض اللي المريض هيجيلك بيها ؟
✔️ احمرار بالجلد ومكانه زي ما قولنا ف الساق تحت الركبه غالبا ، ممكن يجي ف اي مكان عادي
✔️ تورم
✔️ سخونة بالمنطقة المصابة
✔️ ألم عند اللمس أو الحركة
✔️ ارتفاع درجة الحرارة
..............…
🛑 حد منك هيقول لحد هنا الموضوع بسيط
ايه يعني شويه احمرار وتورم والم ؟
⛔️دلوقتي هقولك امتي اقلق، واخاف من ايه؟
1️⃣ امتي اقلق؟
❌ ارتفاع شديد في درجه الحراره
❌ انتشار سريع للاحمرار
❌ ألم شديد جدًا
❌ ظهور فقاعات أو تغير لون الجلد، او خروج صديد
2️⃣⚠️ أخطر المضاعفات واخاف من ايه لو طنشت العلاج؟؟
✅️ممكن يكون خراج abcess
✅️ ممكن العدوي دي تنتشر في الجسم وتعمل
تسمم في الدم Sepsis
✅️التهاب الأوعية الليمفاوية
✅️ الرجل لونها يتغير تبقي زرقه او مايله للسواد
الغرغرينا في الحالات الشديدة gangrene
............…
⛔️ التشخيص بيكون إزاي؟
✅️في أغلب الحالات التشخيص بيكون من خلال:
✔️ التاريخ المرضي اللي المريض بيقولك عليه
رجلي محمره ووارمه وسخونه من كذا يوم
✔️ الفحص الإكلينيكي
⚠️لازم افحص النبض بتاع القدم Dorsal pedis artery
علشان اتاكد ان الدم واصل لنهايه القدم.
🎤 معلومه زياده ليك ..
●اي مريض جاي بيقولك اه ي رجلي شوفله النبض مش هتخسر حاجه●
✅️لكن زي ما قولنا فيه مضاعفات
لازم اطلب تحاليل معينه واشاعات حسب تقيم الدكتور
علشان استبعد مضاعفات او اسباب اخري ..
1️⃣ صوره دم كامله CBC
هشوف فيها كرات الدم البيضاء. هلاقيها مرتفعه تدل ان فيها التهاب وعدوي.
2️⃣ معامل الالتهاب CRP و ESR
3️⃣ اعمل سكر تراكمي HbA1C
لو المريض عنده سكر
4️⃣اطلبه دوبلكس علي شريان وأورده الطرف السفلي
Doppler Ultrasound
علسان استبعد جلطة بالأوردة العميقة DVT.او ضيق في الشرايين .
5️⃣ يعمل اشعه عاديه ع القدم
X-ray food A.p , lateral veiw
علشان استبعد ان الالتهاب موصلش للعضم
وعمل osteomyalitis
☣️ طبعا مش ف كل حاله هطلب كل التحاليل والاشاعات دي
انت بتطلب لو شاكك ف حاجه وعاوز تثبت او تنفي ..
..........…
⛔️ العلاج؟؟
بعد لما عرفنا نشخص ازي وعملنا تحاليل علشان نستبعد
بيها الاسباب الاخري ، وخلاص الموضوع طلع التهاب خلوي
بس احمرار وتورم ومفيش اي مضاعفات
العلاج بيتخلف من حاله لاخري
🎯لو الحاله بسيطه وتحاليها زي صوره الدم ومعامل الالتهاب لسه في البدايه كدا ممكن تمشي ع علاجات ف البيت
وتابع في عيادات الجراحه العامه ..
العلاج اللي انا بكتبه واتعلمته من دكاتره الجراحه
وشوفتهم بيكتبوه طبعا العلاج بيختلف من حاله لاخري
مينفعش حد ياخده من نفسه
لازم تقيم من دكتور .
اعتبر الفقره دي زياده ⬇️
العلاج بيكون عباره عن
✅ المضادات الحيوية المناسبة
⬅️المضاد الحيوي بيكون gram postive
ايا كان بقا ولو مفيش تحسن بنضيف معاه حجات تانيه.
Rx/Hibiotic 1gm tab
Rx/Dalacin c 300 tab
وممكن ابدا بحقن ٣ ايام وبعدين اكمل ع برشام
✅ خافض حراره ومسكن
RxBrufen 600 tab
✅️ دواء مضاد للتورم والالتهاب
Rx/ Alphintern tab
✅ رفع الساق المصابة علشان اقلل التورم
✅ علاج السبب الأساسي بقي واهم حاجه لو مريض سكر يظبط سكره
✅️ممكن نستخدم خالات رصاص او لبخه بتتعمل تاثيرها جميل جدا
🏥 أما الحالات الشديدة فقد تحتاج دخول المستشفى ومضادات حيوية بالوريد.
🎤 الخلاصه:
لو لقيت رجلك احمرت وورمدت قبل لما تقول دا مجرد التهاب خلوي لازم تستبعد الاسباب الاخري سواء بالفحص او التحاليل والاشعاعات زي ما قولنا …
☣️معلش طولت عليكم كنت فاكر الموضوع هيبقي بسيط
بس حاولت اوضحلك معظم الحاجات وكررت كثير
اعتقد الموضوع بقي سهل اتمني تكونوا استفدوا .
لايك وشير 💖👍باي 👋
#اتعلم_الطب_مع_حودة
