⛔️ ايه هو هرمون الكورتيزون ده؟
#معلومه_طبيه_رقم39
💖 مقدرش أعيش من غيرك 💖
دي معدتش قناه طبيه بقي 🤗 استنى.. متفهمنيش غلط 😄
هنتكلم النهارده عن اكثر هرمون ، وداء مظلوم بين الناس
وكل واحد يسمع اسمه يقولك بلاش يا دكتور ، ده وحش🥹
الهرمون دي اسمه(( الكورتيزون )) وقبل ما نبدا خد المعلومه ⬇️
لو اختفي من جسمك مش هنقدر نكمل حياتنا …
🎯تعالوا مع بعض في البوست ده هنعرف؟؟
1️⃣ايه هو اصلا ؟
2️⃣وبيتفرز من انهي مكان في جسمك؟
3️⃣وايه الفوائد؟
4️⃣وايه اضراره لو اتفرز بكميات زياده عن الطبيعي
او اتاخد دواء من بره لفترات طويله بدون استشاره الطبيب
✍️بسم الله نبدا...…
⛔️ ايه هو هرمون الكورتيزون ده؟
هو هرمون طبيعي موجود في جسمك بيتم تصنيعه بكميات محدوده ومحسوبه علشان يقوم بالوظيفه بتاعته.
......................…
⛔️ ايه الغده المسوله عن تصنيعه؟
الغدة الكظرية اللي فوق الكُلى
وبيتم التحكم فيها بواسطه الغده النخاميه الموجوده في المخ
.................…
⛔️ بنسميه هرمون الحياه زي ما قولتلك
منعرفش نعيش من غيره ،ليه فوائد كثير تعالوا نعرفها مع بعض؟
1️⃣ بطاريه جسمك وقت الطواري 🔋
بمعني لو انت ماكلتش مثلا والسكر قل في جسمك وحسيت بهبوط وتعب، الكورتيزون مش هسيبك كدا وهيتصرف هيعمل ايه🤔 هيرفع مستوي السكر في الدم فيديك طاقه..
2️⃣ بيقلل الالتهابات والحساسية بشكل طبيعي
3️⃣ يخلي جهازك المناعي متوازن ،يعني لو مناعه جسمك
نشيطه شويه يقولها اهدي واستخدمي العقل.
4️⃣ وكمان بيحافظ علي الضغط بتاعك ميخلهوش يبقي واطي
نفس اللي عمله مع السكر ، اول لما يلاقي الضغط بيوطي يقوم يرفعه شويه فيظبطلك ضغطك
5️⃣ منظم برنامجك اليومي ⏰
عمرك فكرت ان ليه بتصحي نشيط وكل لما تصحي بدري بيكون افضل ، واي حد يقولك لو هتذاكر او حابب تعمل حاجه وانت مركز وفايق خليها الصبح ،
كل ده بفضل هرمون الكورتيزون اللي بيكون
اعلي مستوي ليه الصبح بدري👍
6️⃣ هو الهرمون المسول عن انك تتحمل التوتر ومتاعب وهموم وقرف الحياه من غيره مش هتعرف تواجه صعوبات الحياه
🔥 الخلاصة:
اتامل في الفوائد دي كدا وقولي لو جسمك من غير كورتيزون هتعيش ازي 🔥
......................................…
⛔️ تعالي بقي للحته اللي كل الناس عارفيها الكورتيزون
مش حلو ، إمتى الكورتيزون يبقى خطر؟
⬅️لو زاد بكميات كبيره عن الطبيعي
✔️بسب امراض اشهرهم مرض الكوشينج
Cushing syndrome
✔️او حد بياخد دواء فيه كورتيزون لفترات طويله من نفسه
⛔️ ايه هي الاضرار اللي مخوفه كل الناس
منك ي عم الكورتيزون؟
هجمع لك اضرار الكورتيزون في قصه 👗
🕶بنت 22 سنه رفيعه داخله علي جواز عاوز تتخن شويه
فسالت صاحبتها قالتها خدي كورتيزون هيخلي وشك زي القمر ،
فالبت سمعت كلام صاحبتها واخدت الكورتيزون بكميات كبيره
فجسمها زاد في الوزن ايوه
والدهون اتجمعت في البطن والوجه
علشان كدا قالك وشها بقي مدور زي القمر💣
⚠️ولكن متعرفش انها عملت لنفسها مشاكل من استخدمها الطويل للكورتيزون زي ⬇️
✅️ ارتفاع ضغط الدم والسكر
✅️ ضعف المناعة (تتعب بسرعة)
✅️ هشاشة العظام وضعف العضلات
✅️قرحه في المعده
✅️ توتر ، أرق ، تقلب مزاج
✅️ احتباس سوائل وانتفاخ
✅️ ترقق الجلد وظهور خطوط علي البطن لونها احمر
✅️ لخبطة في هرمونات الجسم وتحس انها كسلانه
يبقي كدا انتي ضيعتي نفسك ❌
شوفي كميه المشاكل اللي هتحصلك لو اخدت كورتيزون
بمزاجك بكميه كبيره ولفترات طويله
علشان بس يقولوا البت وشها زي القمر
وهو ولا قمر ولا حاجه دا شويه دهون متجمعه وخلاص .
اعتقد بالحكايه دي عرفت كل اضرار الكوزتيون
لو اتاخد من بره او اتفرز بكميات كبيره عن الطبيعي..
...........................…
🚨 أخطر حاجة وخليها في دماغك بالله عليه؟
اي حد استخدم الكورتيزون لفترات طويله
ممنوع يوقفه مره واحده لازم ينسحب بالتدريج ❌️
علشان لو اتوقف مره واحده هياثر علي حياتك
..........................…
⛔️ الزتونه والخلاصه اللي لازم تكون عارفها:
✅️ الكورتيزون الطبيعي = هرمون بيحميك وبيشغّلك
✅️ الكورتيزون الدوائي = علاج مهم ومنقذ وبيستخدم لعلاج حالات كثير جدا.…
❌ لكن الخطر كله
في الزيادة و الاستخدام العشوائي زي قصه البنت الرفيعه دي تساوي مشاكل خطيرة
🔥طولت عليكم معلش (ممكن تقراه علي مرتين)
بس ان شاء الله تكونوا استفدوا وحبيتوا الكورتيزون الطبيعي وصححنا مفاهيم كانت خطا لايك وشير علشان غيرك يستفيد ❤️
البوست معلومات تقيلة لازم يعدي 30 لايك علي الاقل👍
باااي 👋٠٠٠٠
