الوهن العضلي الوبيل. (Myasthenia Gravis)
#معلومه_طبيه_رقم40
🎯 البوست مستوي عالي وطويل ،
اللي بيزهق من طول البوستات اقراء القصه والاعراض فقط 🥺،
بس اوعدك انك هتستمتع لو قرات البوست لاخر كلمه 🤗
✅️ولو عندك مخ واعصاب في سنه 5 طب ، هيظبطلك الدنيا
الموضوع مخ واعصاب يعني الحب كله🧠
وحوده اللي هيشرحولك بنفسه حظك حلو .
⛔️هنبدا بقصه هلخص لك الموضوع وبعدين نشرح…
👩🦰 ست عندها 34 سنه ،
بتصحي الصبح من النوم كويسه وزي الفل
تشتغل شغل البيت كله ،وتضحك وتهزر وتخلص يومها عادي،
ولكن تجي علي اخر النهار المغرب كدا تبدا
تلاحظ حاجات غربيه ⬇️
✅️ جفن عينها بيسقط، عينها بتقفل لوحدها
✅️ تجي تضحك كدا تضحك ضحكه صفراء اكيد عارفينها
اللي لما حد يكون بيضحكلك وهو مش حابب يبصلك
بس دي مظلومه دي مش بتكون قادره تحرك بوقها
فابتسامها بتكون ضعيفه 🙂
✅️ وتلاحظ وهي بتاكل مش قادره تمضع الاكل والفك بيوجعها
مع ان دي في الفطار والغداء ممكن تاكلنا 😂
🧠هتقول لنفسها يا تري ايه اللي بيحصلي ده
انا بصحي الصبح اكون زي الفل يجي المغرب علي
اكون مش قادره افتح عيني👀
هترد علي نفسها وتقول..
متوهميش نفسك ي بت دول شويه ارهاق من الشغل طول النهار..
............…
😎 ولكن حوده ليه راي تاني
ده ممكن يكون مش مجرد ارهاق وخلاص،
✍️انا جي النهارده في البوست ده نتكلم عن مرض..
🎯الوهن العضلي الوبيل. (Myasthenia Gravis)
⛔️ يعني إيه الوهن العضلي؟
هو مرض مناعي بيحصل فيه خلل في نقل الإشارة
بين العصب والعضلة
⬅️ الطبيعي علشان العضله تشتغل العصب يبعت ليها اشارات عصبيه يقولها اتحركي ي عضله واشتغلي .
العصب يفرز مادة اسمها استيل كولين ⬅️تمسك في المستقبلات ⬅️ العضلة تنقبض 💪
🥹في المرض ده:
الجسم بيكوّن أجسام مضادة تروح تمسك في المستقبلات
فالماده اللي هي الاستيل كولين تجي تشتغل تلاقي فيه حاجه مانعها انها تشتغل ،
💣 مثال يوضح لينا الدنيا؟؟
الاستيل كولين باختصار كدا نعتبر عدد اللي بيشتغل 1000 في اليوم في الناس الطبيعيه السلميه.
انما اللي عندهم المرض قول 500 بس في اليوم
وده اللي بيفسر الاعراض ,
انه بيكون كويس ف اول النهار ولما يخلصوا ال 500
تجي الاعراض تظهر علي اخر النهار.
............…
⛔️ بيصيب اكثر الرجاله ولا الستات؟
⬅️خدها قاعده معظم الامراض المناعيه
في الستات من ٢٠ الي ٤٠ سنه ..
علشان كدا انا قولت القصه عن بنت في نفس العمر ده..
⬅️وبيجي بره في الرجاله في عمر 50 ل 60 سنه ،
والاطفال وممكن يجي في اي عمر عادي جدا
⬅️وبما انه مرض مناعي ممكن يجي لوحده او يجي مع امراض مناعيه اخري.
.........…
⛔️ ايه الأعراض اللي تخليني اشك في المرض ده
وافتكر معايا القصه اللي فوق 🔝
(اهم عنصر عاوز تطلع بيه من البوست)🔥🔥
💡 الميزة الأساسية في الاعراض دي :
التعب بيزيد مع المجهود ويكون اخر اليوم ويتحسن مع الراحة
1️⃣ العين (أول حاجة هتظهر غالبا)
تجي علي اخر اليوم تلاقي
✅️ سقوط الجفن ، عينها بتقفل ومش قادره تفتحها
✅️ تشوف الحاجه اتنين يعني حول وازوداج في الرؤية.
2️⃣ الوجه
هتلاقي ضعف تعبيرات الوجه،
وابتسامها صفراء زي ما قولت قبل كدا مش قادره تضحك
3️⃣ الفم والبلع
صعوبه في البلع والمضغع بسبب ضعف عضلات الفم
وهتلاقي صوتها متغير ومخنف شويه
ومبحوح ومش قادره تتكلم
4️⃣ الجسم
هتلاقي ضعف في العضلات
وبيظهر في العضلات القريبه زي الكتف فوق والفخد تحت ،
وبتبدا في اليدين وبعدين الرجلين
🔥وهنا تكون الحاله طواري لو اثرث علي عضلات التنفس💣
⚠️دي كدا الاعراض مش لازم المريض يجي بكل الاعراض
ممكن رقم 1 بس او رقم 1,2 وهكذا.
...................…
⛔️ التشخيص هنقول باختصار دي حاجات الدكتور هيعملها..
1. فحص إكلينيكي
ده فكرته ببساطه انا بتعب لما اشتغل كثير
فاروح العياده الدكتور يقولي مثلا قام واقعد كذا مره وراه بعض
اللي عنده المرض ده هيتعب بسرعه ،او اقفل وافتح عينك كذا مره نفس الفكره.
2. اختبارات بسيطة الدكتور بيعملها زي
⬅️يجيب حته تلج يحطها علي جفن المريض اللي مكنش قادر يفتح عينه ،ويشوف النتيجه.
⬅️ فيه اختبار بيتعمل بجهاز الضغط
3. تحاليل (اهم حاجه في التشخيص)
احنا عرفنا ان المرض مناعي
فهنعمل تحاليل مناعه زي Anti-AChR Ab
4. حاجات تانيه زي رسم عضلات ،
وفي بعض الاحوال بيربطوا المرض ده بالغده التيموسيه الموجوده في الصدر، فنعمل اشعه رنين او مقطعيه ع الصدر
5. اختبار دوائي
الدكتور بيديك حقنه كدا مش مهم اسمها
اول لما تخدها الاعراض اللي كانت عندك زي سقوط الجفن وغيره
تلاقيها اتحسنت فورا زي السحر كدا
.......…
⛔️ العلاج؟
مع حبايبنا دكاتره المخ والاعصاب
بس باختصار عباره عن ادويه بتزود الاستيل كولين، وادويه مثبطه للمناعه، وجراحه للغده التيموسيه في بعض االحالات
.....…
🎯 الخلاصه والزتونة ؟؟
لو في:
✔️ تعب بيزيد مع اليوم .
✔️ سقوط جفن.
✔️ ضعف في الكلام أو صعوبه في البلع او تغير في الصوت
(كل ده بيجي بعد الشغل اخر اليوم)
❌ ما تقولش ده ارهاق وخلاص
✅ اكشف بدري ⬅️ لأن العلاج بيفرق جدًا
🎯 عارف انا رخم والبوست طويل بس فهمتك الموضوع كامل
لايك وشير 👍💝 انا تعبت في الموضوع
علشان اوصلهولك بالطريقه دي
وباااي👋
