باكل كويس جدًا… وبرغم كده بخس!

#معلومه_طبيه_رقم36 

🎯 باكل كويس جدًا… وبرغم كده بخس!

هو فيه كده فعلًا؟ 🤔

المعروف  لما باكل كويس بتخن… طيب لو العكس حصل؟!

☠️يبقى أكيد في حاجة ، جسمك عاوز يقولك عليها ⚠️

 🚨هنتكلم في بوست النهارده عن..…

ايه أشهر الأسباب اللي تخلي الشخص 

                                          يخس رغم إنه بياكل كويس ☢️

✍️ بسم الله نبدأ..

⛔️ نعرف الأول: امتى أقول إني بخس ووزني بيقل؟

⬅️لو خسيت أكتر من 5% من وزنك خلال 3–6 شهور او مده قصيره ، بدون سبب واضح (يعني من غير رجيم ولا رياضة)

يعني قاعد بتاكل كويس وبتخس!

💥مثال للتوضيح شخص 80 ك خس 4 ك في مده قصيره

⬅️ وقتها لازم تدور على السبب

..................…

⛔️ ليه ممكن أخس رغم إني باكل كويس؟

تعالوا مع بعض نعرف أشهر الأسباب اللي أفكر فيها ⬇️

⛔️هنتكلم عن كل سبب:

✔️ ليه بيعمل فقدان وزن

✔️ إيه الأعراض التانية اللي تخليني أشك فيه

✔️ أطلب إيه تحاليل تأكد أو تنفي

1️⃣ فرط نشاط الغدة الدرقية (Hyperthyroidism)

✅️ ليه بيعمل فقدان وزن؟

بسبب زيادة هرمون الثيروكسين اللي الغدة الدرقية بتفرزه

والهرمون ده عامل زي "المحرقة" 🔥

بيخلي الجسم يحرق بسرعة عالية جدًا

✅️ أعراض مصاحبة :

● سرعة ضربات القلب ❤️

● رعشة في اليد

● بيتعصب ويتنرفز من أقل حاجة

● إسهال أحيانًا

● جسمه بيعرق ومش بيتحمل الحر

تعرفها إزاي؟ تلاقيه في عز البرد لابس نص كم 👕

🎬 السؤال هنا:

“حران  يا عم الحاج 😂”

مين فاكر الجملة دي من فيلم ايه؟ والممثل كان مين؟ وبيقولها لمين؟ اكتبلي في التعليقات⚠️

✅️ التحاليل اللي هتطلبها لو شاكك:

Free T3, Free T4 هتلاقيهم عاليين

TSH هتلاقيه قليل

....................... .  

2️⃣ مرض السكري (Diabetes mellitus)

(خصوصًا النوع الأول أو  النوع الثاني اللي مش متظبط )

✅️ ليه بيعمل فقدان وزن؟

لأن الجسم مش عارف يستخدم السكر ⬅️ يبدأ يحرق في الدهون والعضلات

✅️ أعراض مصاحبة:

● عطش شديد 💧  ● تبول كتير.        ● جوع مستمر

✅️ تحاليل اطلبها لو شاكك:

سكر صايم FBS.              سكر تراكمي HbA1c

............................     

3️⃣ سوء الامتصاص (Malabsorption)

زي مرض سيلياك (حساسية القمح)

✅️ ليه بفقد وزن ؟

الأكل مش بيتامتص ⬅️ الجسم مش بيستفاد منه فأكيد هيخس

✅️ أعراض مصاحبة:

● إسهال مزمن.            ● انتفاخ

● براز دهني (لزج/ريحتو وحشة) Steatorrhea

✅️ تحاليل اطلبها لو شاكك:

تحليل براز Stool analysis

أجسام مضادة للسيلياك Anti-TTG

.......................…

4️⃣ العدوى المزمنة؟

زي الدرن (T.B)       أو الديدان  ( اكثر في الاطفال)

✅️ ليه بيعمل فقدان وزن؟

الجسم بيستهلك الطاقة في مقاومة الميكروب

✅️ أعراض:

● حرارة مستمرة 🔥          ● ارهاق وضعف عام 

● عرق ليلي (في الدرن)    ● كحة مزمنة (في الدرن)

✅️ تحاليل:

صورة دم CBC

سرعة الترسيب ESR / CRP

أشعة صدر لو شاكك في الدرن

تحليل براز لو شاكك في ديدان

...........................…

5️⃣ الأورام (Malignancy)

✅️ ليه بفقد وزن؟

الخلايا السرطانية بتستهلك طاقة ⬅️وفي المراحل المتقدمة بتعمل فقدان شهية.  ⬅️وتخلي الجسم “جلد على عضم”

✅️ أعراض مصاحبة:

● فقدان شهية نخلي بالنا هنا الشهيه بتقل ، 

ممكن في البدايه يكون اكله كويس بس بعد كدا مش بياكل..

● تعب شديد.          ● أنيميا

● أعراض حسب مكان الورم

✅️ تحاليل:

صورة دم CBC

دلائل أورام Tumor markers (حسب الحالة)

أشعة رنين أو مقطعية CT / MRI حسب المكان

.............…

6️⃣ أمراض نفسية  (زي القلق أو الاكتئاب والتوتر) 

.....................…

7️⃣ زيادة النشاط البدني 🏃‍♂️

واحد بيلعب رياضة كتير ⬅️يحرق أكتر ما بياكل طبيعي هيخس

............…

8️⃣ بعض الادويه برده تعمل فقدان وزن رغم الاكل كويس 

💡 الخلاصة:

مش كل خسسان حلو! ❌️

لو بتاكل كويس وبتخس ⬅️ جسمك بيقولك في حاجة غلط 😎

نحاول ندور عليها ونطمن ..

كدا نكون خلصنا النهارده اتمني تكونوا استفدوا لايك وشير❤️

باي 👋

#اتعلم_الطب_مع_حوده

#الدكتور_محمود_خالد

#الطب_الصح

#التثقيف_الطبي

#باكل_وبخس🔥

#صحتك_أهم