اسباب الم الوجه المختلفه

#معلومه_طبيه_رقم48

#Facial_Pain_For_ D.D

 هنتكلم النهارده في البوست ده عن شكوي متكرره ، 

هي مش متكرره اوي يعني بس انا عاوز اتكلم عليها 

فيها جزء مخ واعصاب وانت عارف الباقي فهتلاقي نفسك

 لا ارادي بتقرا البوست....…

⬅️  المريض جاي ليك ف الطواري يقولك

 📢 عندي الم ف الوجه 👱 تعال مع بعض كدا نعرف ..

 🖲ايه هي الاسباب اللي ممكن تعمل كدا؟؟ 

✍️بسم الله نبدا ..

ايه هي اشهر الاسباب وازي اعرف السبب من شكل الالم ؟؟ 

⛔️ التهاب العصب الخامس (Trigeminal Neuralgia) 

✅️ يعتبر من أشهر أسباب ألم الوجه. 

💥وصف الالم مهم جدا 

 ⬅️ المريض هتلاقيه داخل عليك الطواري 

1️⃣حاطط ايده علي نص الوجه ويقولك زي كهربا ي دكتور في وشي والمريض يقولك اصعب الم حسيت بيه في حياتي

🤔 ما هو السبب اعصاب 

( زي ما اتفقنا قبل كدا اي وجع سبب عصب بيبقي رخم)

 2️⃣ وفي ناحيه واحده غالبا

 3️⃣ وبيستمر من ثواني لدقايق وبيحصل علي هيئه نوبات ..

 ✅️ اول لما اسمع وصف الالم بالشكل ده والعيان داخل علي الطواري علطول مسكن ودكتور المخ والاعصاب يبص عليه

 هياخد مسكنات قويه Neuropathic pain

 ويتابع في عياده العصبيه..

 .......................... 

⛔️ ألم ما بعد الحزام الناري (Post-herpetic Neuralgia)

الالم بيحدث بعد الإصابة بالحزام الناري. 

🤔عاوز تعرف يعني ايه الحزام الناري بالتفصيل انا اتكلمت عنه في بوست قبل كدا ع القناه ابقي ارجعله ⬇️

💥 ازي اعرف ان الم الوجه بسبب الحزام الناري ؟

✅️الالم بيبدأ بطفح جلدي وفقاعات مؤلمة.

✅️يصيب منطقة الجبهة والعين

 المكان مهم بعد اختفاء الطفح والفقاعات قد يستمر

 الألم لأسابيع أو شهور. 

✅️الألم  بيكون بيكون زي وخز او كهرباء

📢إذا ظهر  الم و طفح جلدي حول العين لازم دكتور فورا لتجنب مضاعفات العين.

⬇️مش كل اسباب وجع الوجه اعصاب ممكن يكون ⬇️

⛔️أسباب متعلقة بالعين (Ocular Causes)

💥اللي الا عراض اللي تدل على أن السبب من العين: 

✅️الألم  بيتركز خلف العين. 

✅️احمرار العين. 

✅️زغللة أو ضعف في النظر. 

✅️حساسية شديدة للضوء. الضوء مضايقه 

✅️صداع مصاحب.

💥ايه اسباب العين اللي تعمل كدا ؟ 

1️⃣ارتفاع ضغط العين الحاد. 

2️⃣التهابات العين. 

3️⃣مشاكل القرنية. 

....................... 

⛔️ مشاكل الأسنان (Dental Causes) 

🦷 من أكثر الأسباب شيوعًا.

👍وصف  الألم:

 ✅️يكون حول الفم والفك.

 ✅️يزيد مع المضغ أو تناول المشروبات الباردة والساخنة. 

✅️قد يصاحبه تورم باللثة.

💥ايه اسباب الاسنان اللي تعمل الم ف الوجه؟ 

1️⃣تسوس الأسنان. 

2️⃣خراج الأسنان. 

3️⃣التهاب اللثة. 

4️⃣ضرس العقل الملتهب. 

علطول عليك وعلي دكتور الاسنان

 ................ 

⛔️التهاب الجيوب الأنفية (Sinusitis)

✅️ لو حد عنده جيوب انفيه هيكون عنده تاريخ مرضي 

يقولك انا اصلا مريض حساسيه وهيكون الالم في مناطق الجيوب الانفيه واكثر الصبح ولما تميل لقدام

................ 

⛔️الصداع العنقودي (Cluster Headache) 

⬅️ من أشد وارخم أنواع الصداع ألمًا.

 المريض هيجيلك ب وجع في الوجه

 متركز حول عين واحده ومعاه دموع بالعين واحمرار

 وسليان من الانف

 ............... 

⛔️ اضطرابات مفصل الفك (TMJ Dysfunction) 

✅️الالم بتاعه بيكون امام الاذن

 وبيزيد مع فتح وقفل الفم  ومع المضغ 

وبتسمع صوت طقطقه

💥بس كدا خلصنا النهارده طولت عليكم ممكن الموضوع يكون صعب انا حاولت اقوله باسهل طريقه ممكنه ع اد ما اقدر ،

 اتمني تكونوا استفدوا 💞 لايك وشير 👍💖

 باي🫡 

#اتعلم_الطب_مع_حوده