الم الصدر اخطرهم الذبحه الصدريه STEMI
#معلومه_طبيه_رقم47
⬅️يالا بينا في البوست ده هنمسك سبب سبب
ونتكلم عنه بشي من التفصيل .…
⛔️ النهارده هنتكلم عن واحد من أخطر اسباب
ألم الصدر 🫀
⬅️وهي متلازمة الشريان التاجي الحادة
(Acute Coronary Syndrome - ACS)
او ما تعرف بالذبحه الصدريه وجلطه القلب 🫀
بسم الله نبدا ✍️
⛔️ ايه هو الشريان التاجي ده اصلا؟
هو عباره عن الشرايين المعذيه للقلب وسميت بالشريان التاجي لان بيحوط القلب من جميع الاتجاهات زي التاج .
⛔️يعني إيه متلازمه الشريان التاجي الحاده؟ACS
هي مجموعة من الحالات اللي بتحصل بسبب نقص أو انقطاع تدفق الدم لجزء من عضلة القلب
نتيجة ضيق أو انسداد مفاجئ في الشرايين التاجية المغذية للقلب.
وهي متلازمه تشمل عده امراض ؟
1️⃣ الذبحة الصدرية غير المستقرة
(Unstable Angina)
2️⃣ الجلطة القلبية غير المصحوبة بارتفاع ST (NSTEMI)
3️⃣ الجلطة القلبية المصحوبة بارتفاع ST (STEMI)
................…
⛔️ ازي بتحصل جلطه القلب ؟
في أغلب الحالات بيكون فيه دهون مترسبه داخل الشرايين التاجية مع مرور الوقت، الترسبات دي تفضل تزيد لحد لما تسد الشريان ، وبالتالي يقل وصول الأكسجين لعضلة القلب.
..................…
⛔️مين الناس الاكثر عرضه للاصابه بجلطات القلب؟
✅️ مرضي السكر
✅️ مرضي الضغط
✅️ التدخين
✅️ ارتفاع الكولوليسترون والدهون الثلاثيه
✅️ السمنة
✅️ وجود تاريخ مرضي العيله بتاعهم عندها مشاكل ف القلب
✅️ التقدم ف العمر
....................…
⛔️ ايه الاعراض اللي المريض هيجيلك يشتكي منها ؟؟
ايه وصف الالم؟؟؟؟ اهم حاجه في البوست 📢
✅️عندي وجع في صدري وتلاقيه بيشاور في منتصف الصدر ✅️ويقولك حاسس بثقل او حاجه ضاغطه علي صدري مش نغزه ✅️وتقوله شاور بصابع واحده ميعرفش
،يقولك لا ي دكتور دي حاجه ضابقه ع صدري.
✅️والوجع ده بيسمع في كتفه الشمال ودراعه الشمال
وبيسمع في الرقبه والفك وفم المعده .
وممكن يقولك الوجع يخف شويه لم ارتارح
وبيزيد مع المجهول ، وممكن يقولك لا هو ثابت من الاول.
✅️وممكن يصاحبه قي وغثيان وعرق وشغور بالخوف ومش قادر ياخد نفسه ..
...........…
⛔️ إزاي نشخص الحالة؟
التشخيص بيعتمد على:
✅ التاريخ المرضي كان عنده قبل كدا مشاكل في القلب مركب قسطره ودعامة ووصف الألم
✅اعمله رسم القلب (ECG)
✅ تحاليل إنزيمات القلب (Troponin)
✅ أشعة وفحوصات القلب حسب الحالة
.............…
⛔️ العلاج ؟
دي حاله طواري جري علي اقرب مستشفي
هقولك علي العلاج كمعرفه بسيطه كدا
✅حطه علي اكسجين عند اللزوم
✅ أدوية مضادة للجلطات
اللي هما ٤ حبايات اسبويد و٤ بلافكس يمضعهم دول طبعا مش اي حد ياخدهم غير براي الدكتور .
✅️ واستدعاء نايب القلب هو يتعامل مع الحاله
..........…
🖲الخلاصه؟
اي عيان جي بوجع في صدره بوصف الالم اللي قولناه وعنده عوامل خطوره حتي لو حاجه واحده بس زي التدخين ، وانت شاكك فيه اعمله رسم قلب ودكتور القلب يبص عليه …
..…
🫡كفايه كدا نكمل في البوستات القادمه اسباب اخري
لالم الصدر Chest pain
اتمني تكونوا استفدوا لايك وشير 💖👍
#اتعلم_الطب_مع_حودة
