في هذا المقال
#معلومه_طبية_رقم37
🔥 الدنيا معدش فيها أمان , ليه بتقول كدا يا حوده 😳
✍️ معظمنا جالنا واحنا صغيرين( الجديري المائي )
اللي هو عباره عن عدوي فيروسيه بفيرس اسمه VZV .
المفروض الفيروس خلص شغله ، يمشي بقى
ويطلع بره جسمك ⬅️لكن الفيروس ده مش كدا خالص!
ده بيروح يقعد في العقد العصبية والأعصاب الشوكية
ويستخبى فيها قولتلك الدنيا مفيهاش آمان😎
🛋️ يفضل قاعد مريح على الاريكة وبيشرب شاي بلبن 🥛
لمدة 20–30 سنة وهو نايم! 😴
🎯 لحد ما تيجي لحظة… مناعتك تضعف لأي سبب
الفيروس انتهازي يفوق فجأة ⬅️ ويعملك الحزام الناري🔥
✍️ هنتكلم النهارده عن الحزام الناري...…
⛔️ إيه هو الحزام الناري؟ (Herpes Zoster)
هو مرض فيروسي 🦠 ناتج عن إعادة تنشيط فيروس الجديري المائي.
📌 زي ما قولنا:
الفيروس اللي جابلك الجديري المائي مش بيطلع بره الجسم ❌
✔️ بيفضل مستخبي في الأعصاب زي
Dorsal root ganglia
Trigeminal gangilia
لحد لما المناعة تضعف ⬅️ يهاجمك ويجيب لك الحزام الناري
................…
⛔️ إيه الأسباب اللي تخلي مناعتك تضعف؟
✔️ الناس الكبيرة في السن 👴
✔️ الأمراض المزمنة :
(زي الكبد – الكلى – مرضي السكر _ أمراض نقص المناعة)
✔️ أدوية بتقلل المناعة (زي الكورتيزون والكيماوي)
✔️ الضغط النفسي والقلق وقلة النوم
(دول بيساعدوا الفيروس يصحى)
................…
⛔️ إيه أعراض الحزام الناري؟
1️⃣ المرحلة الأولى (خادعة جدًا وعاوزه دكتور لماح )
⚠️ وجع بس… مفيش حاجة على الجلد
🚨وصف الألم:
✅️ألم أو حرقان 🔥
احساس زي كهربا ⚡ وخز أو شكشكة
✅️وبيكون: في ناحية واحدة بس (يمين أو شمال)
❌️ ما يعديش الناحية التانية
🚨 لو في الناحيتين → غالبًا مش حزام ناري
2️⃣ بعد يومين أو ثلاثه ايام :
يظهر طفح جلدي. و فقاقيع فيها سائل 💧
برضه في ناحية واحدة. وما يعديش النص
🚨 شرط أساسي:
الألم + الطفح = في نفس الناحية..
....................…
⛔️المكان بيظهر فين الحزام الناري ؟
✅️ الصدر والظهر (أشهر مكان 🔥)
✅️ البطن
✅️ الوجه 👁️
❗ لو وصل للعين (Herpes Zoster Ophthalmicus)
⬅️ ممكن يعمل مشاكل خطيرة في النظر ، دي حالة طوارئ🚨
............…
🎯 معلومة تخليك دكتور محترم وبن ناس اسمع القصه⬇️
⬅️قولنا إن الأعراض بتبدأ ب ألم بس في الصدر أو البطن…
ودي مناطق فيها أسباب ألم كتير جدًا
💡 هنا بقى الشطارة:
مريض جالك العياده بيقولك
“وجع زي الكهربا وشكشه في ناحية واحدة”
✔️ واستبعدت الأسباب التانية
⬅️ هتديله علاج مسكن بس مهم جدًا تقوله:
“ممكن بعد يومين أو ثلاثة يظهرلك طفح جلدي”
🔥 لو حصل فعلاً… المريض هيقول دا دكتور ساحر
عرف ازي ان فيه طفح جلدي هيظهر😎
............…
⛔️ التشخيص
✔️ من وصف الألم ✔️ ومن شكل الطفح الجلدي
🤗 تبقى محظوظ لو شفت المريض بعد الطفح الجلدي
لكن لو قبله ⬅️ شطارتك بقى 👌 زي الدكتور الساحر 🕶
.................…
⛔️ العلاج (مهم جدًا بدري)
1️⃣ مضادات الفيروسات:Acyclovir ⏱️ لازم بدري جدًا
2️⃣ مسكنات الألم: (لازم باستشاره الطبيب دي امثله فقط )
✔️ مسكنات عادية: بروفين او كتافلام
✔️ لو الألم شديد استخدم مسكن الم الاعصاب Gabapentin
✔️ دهان مخدر موضعي علي مكان الطفح الجلدي
3️⃣ حالات خاصة:
👁️ لو جه في العين ⬅️دكتور فورًا
🏥 لو المريض مناعتة ضعيفة جدًا ⬅️ ممكن علاج في المستشفى أفضل
..........…
⛔️ الوقاية
💉 فيه تطعيم للحزام الناري خصوصًا لكبار السن أو الأكثر عرضة
.............…
⛔️ هل معدي؟
📌 الفقاقيع فيها سائل. ممكن تنقل العدوى
لكن اللي هيتنقله: هو الجديري المائي لو مجالهوش قبل كدا
......…
🔥 الخلاصة:
🚨ألم غريب في ناحية واحدة؟ في الصدر او البطن او الوجه
استنى طفح جلدي علشان اروح اكشف❌️
️ لا طبعا لازم كشف بدري..✅️
معلش طولت عليكم اتمني تكونو استفدوا ، لايك وشير 👍💝
🎯نختم بسوال صعب واول واحد هيجاوب ليه هدية 💥
❓️ليه قولت الفيروس قاعد بيشرب شاي بلبن مقلتش مثلا بيشرب قهوه او نسكافية او سجاير.. اكيد فيه سبب لكدا ؟
اللي هيجاوب هيبقي برنس اكتبلي ف التعليقات✍️
باااي 👋
#اتعلم_الطب_مع_حوده
#الدكتور_محمود_خالد
#الطب_الصح
#التثقيف_الطبي
#الحزام_الناري🔥
#صحتك_أهم
النقاش
التعليقات (0)
فكرة تضيفها، أو سؤال يفتح حوارًا.
الرجاء تسجيل الدخول لتتمكن من التعليق