لدغات الثعابين، Snake bite
في الأيام اللي فاتت انتشرت أخبار كتير عن لدغات الثعابين،
علي السوشيال ميديا وناس ماتت بسببها..
🎯 فقولت لازم نتكلم عن الموضوع ده بشكل بسيط ،
علشان بحب الناس اللي متابعه قناتي تكون عارفه ايه اللي بيحصل حوالينا 🤔 وتعرف تتكلم لو حد سألها..
✍️بسم الله نبدا ،مع بعض واحده واحده وهتستفاد…
⛔️ إيه هي لدغة الثعبان🐍؟
⬅️لدغة الثعبان هي عباره عن إصابة ناتجة عن غرز
أنياب الثعبان في الجلد.
⚠️ مش كل لدغة ثعبان معناها إن فيه سم.🤔
.......…
⛔️انواع الثعابين ؟؟
هي كمان الثعبان بقي انواع ايوه طبعا ع حسب السميه
فيه عندنا نوعين ..…
1️⃣ثعابين غير سامة ،وبفضل ربنا علينا دي الاكثر انتشارا
ودي مفيش منها خوف
2️⃣ ثعابين سامة، ودي اللي ممكن تسبب مضاعفات خطيرة وتحتاج علاج سريع والمريض ياخد المصل علشان ممكن تودي للوفاه ..
🎤 طبعا بيكون فيه فرق بين الثعبان السام والغير سام
ف شكل الراس والذيل بتاع الثعبان، بيكون بينهم اختلافات ف الشكل ،بس طبعا مش بنعتمد علي النقطه دي ، فاي حد اتلدغ من ثعبان محتاج تقييم لحالته في مستشفي
ونعتبر الثعبان سام حتي يثبت العكس .
...........…
⛔️🐍 أشهر الثعابين السامة الموجودة في مصر؟؟
🔸 الكوبرا المصرية.
🔸 الكوبرا الصحراوية.
🔸 الأفعى المقرنة (أم جنيب).
🔸 الأفعى المنشارية.
⬅️وطبعًا فيه أنواع غير سامة كتير زي ما قولنا منتشرة في الأراضي الزراعية والصحاري.
...............................…
⛔️ إيه أعراض لدغة الثعبان السام؟
واحد اتعض من ثعبان اية علامات التسمم اللي هتظهر عليه
⬅️الاعراض بتختلف حسب نوع السم بتاع الثعبان؟؟
مش فاهم 🤔
هبسطهالك احنا قولنا في كذا نوع من الثعابين السامه
فكل نوع بيفرز سم معين ، السم ده بيحب يروح يعمل
اعراض معينه..
⛔️ فيه نوعين من التسمم اللي بيحصلوا بسبب سم الثعبان ؟؟؟
✅️أولًا: التسمم الدموي 🩸
وده غالبا اللي بيظهر ،المريض بيجيلك باعراض ايه🤔
🔴 ألم شديد مكان اللدغة.
🔴 تورم سريع بيزيد مع الوقت.
🔴 احمرار أو زرقان حول مكان اللدغة.
🩸 نزيف من اللثة أو الأنف أو البول. يعني بينزفر ويخرخر من اي مكان علشان السم راح اثر علي الدم والصفائح الدمويه فعملي نزيف. وممكن يوصل انه يعمل نزيف داخلي
🟣 ظهور كدمات بسهولة.
✅️ثانيًا: التسمم العصبي 🧠
وده بيظهر أكثر مع لدغه ثعبان الكوبرا المصريه
⬅️تعتبر الكوبرا اخطر انواع الثعابين
السم بتاعها بيروح للاعصاب فهيعملك اعراض ايه ⬇️
😵 صداع.
👁️ زغللة أو ازدواج في الرؤية.
😴 سقوط جفن العين.
😶 صعوبة في الكلام أو البلع.
💪 ضعف بالعضلات.
😮💨 صعوبة في التنفس في الحالات الشديدة.
⚠️ الأعراض العصبيةدي ممكن تتاخر وتظهر بعد عدة ساعات، علشان كدا بخليه تحت عيني ف المستشفي حتى لو المريض شكله كويس في البداية.
............…
⛔️🚑 الإسعافات الأولية الصحيحة؟؟
⬅️واحد لقدر الله اتلدغ من الثعبان انا هتصرف ازي لحد لما اروح المستشفي ..
✅اتصل بالاسعاف و جري علي اقرب مستشفي او مركز سموم يكون متوفر فيه المصل
✅️المصاب يحافظ علي هدووه
✅ ثبّت الطرف المصاب ومتحركهوش كثير
✅ شيل أي خاتم أو إسورة أو ساعة قبل ما يحصل تورم في مكان العضه
✅ غطِّ مكان اللدغة بضمادة نظيفة لو لزم الأمر. غطاء فقط مش ربط..
✅️اغسل مكان العضه بماء وصابون
✅️حاول تخلي مكان العضه اسفل مستوي القلب
❌ متربطش الطرف برباط ضاغط.
❌ متحاولش تمص السم بفمك زي ما كنا بنشوف
❌ متعملش نفسك فالح وتقول وربنا لاصطاد الثعبان ده
وتعرض نفسك للخطر.
.............…
⛔️خلاص وصلت المستشفى هيحصل ايه هناك؟
✅ تقييم العلامات الحيوية.
✅ فحص مكان اللدغة.
✅ متابعة التورم.
✅ عمل تحاليل زي:
🩸 صورة دم كاملة CBC
🧪 وظائف كلى.
🩸 اختبارات التجلط والسيولة مثل
PT و INR و PTT حسب الحالة.
✅ وزي ما قولنا متابعة المريض عدة ساعات لأن بعض الأعراض قد تتأخر. وتظهر بعد 12 ساعه..
............…
⛔️ طيب إمتى المصل؟
🎤المصل هو العلاج الوحيد الذي يعادل سم الثعبان.
🚫لكن مش كل مريض اتعض من الثعبان ياخد المصل؟
⬅️المصل يتاخد فقط لو الثعبان سااااام
وظهر علامات التسمم الدموي او التسمم العصبي اللي ذكرنها فوق ⬆️ واشوف نتائح التحاليل..
⛔️🚸خلاص قررت المريض محتاج المصل ؟
طبعا المصل مش متوفر في كل المستشفيات ،
متوفر فقط في المستشفيات اللي فيها مركز سموم .
☢️بيتم إعطاء المصل داخل المستشفى مع متابعة دقيقة،
لانه فيه نسبه من الناس ممكن يحصله حساسيه من المصل ، ولكن ده ميمنعش انه مياخدتش المصل ، لو حصل حساسيه فيه ادويه مجهزها معاك تتعامل مع الحساسيه دي
وياخد المصل عادي ..
📢 الخلاصه مع حوده ؟؟
✅️🐍 أي لدغة ثعبان تعتبر حالة طوارئ ؟؟؟؟
حتى لو الألم بسيط
أو
الثعبان شكله غير سام.
🚫 علشان محدش يعمل نفسه ناصح ويقول والله لامسك الثعبان واشوف شكله وتقول محمود قالي بعرف افرق بين الثعبان السام وغير السام يبقي كدا انت بتستهبل
✅ متستناش ظهور الأعراض.
✅ روح أقرب مستشفى فورًا.
#اتعلم_الطب_مع_حوده
