للنزيف من فتحة الشرج وهو ⬅️ البواسير.. (Hemorrhoid

#معلومه_طبيه_رقم34

🎯 أكثر شكوى بتخض أي مريض وتخليه يجري على الدكتور؟

إنه يشوف دم بعد الحمام🩸

وده طبيعي جدًا يخض أي حد 😟

🚨علشان كده هنتكلم النهارده عن سبب شائع جدًا 

 للنزيف من فتحة الشرج وهو ⬅️ البواسير.. (Hemorrhoid )

🔴تنبيه : البواسير اللي كل الناس عارفها  وكلامي عندها في البوست ده هي( البواسير الداخليه) 

علشان في حاجه اسمها البواسير الخارجيه ⛔️

⬅️كتير من الناس بتعاني من نزيف أثناء التبرز،

 وأول حاجة بتيجي في بالك: "دا أنا عندي بواسير؟" 🤔

وحد تاني يقول: “ ده شرخ شرجي”

🎯أنا موضوعي النهارده عن البواسير🔅

✍️ تعالوا بسم الله نبدأ..

⛔️ ما هي البواسير؟

⬅️طبيعي عندنا في المستقيم وفتحة الشرج أوردة،

أي حاجة تسبب لها تمدد وانتفاخ ده اللي بنسميه (بواسير).

والتمدد ده إما يكون بسبب:

✔️ ضعف في جدار الأوردة

✔️أو زيادة الضغط عليها

فالنتيجة هيحصل تمدد في الأوردة

💡 هبسطهالك بحاجة واضحة ليك:

زي دوالي الساقين 

ما هي دي برضو عبارة عن أوردة متمددة،

نفس الفكرة بتحصل في أوردة المستقيم وفتحة الشرج.

...................…

⛔️ إيه هي أسباب البواسير؟؟

تنقسم إلى نوعين:

1️⃣ بواسير أولية (Primary)

مفيش سبب مرضي واضح،

لكن بتحصل بسبب عوامل مساعدة بتخلي الشخص

 أكثر عرضة لها، زي:

✅️ ضعف خلقي في الأنسجة والأوردة.. هو مولود كدا عنده ضغف في جدار الاورده .وده ادور معاه ممكن يكون عنده دوالي .

✅️ ارتخاء عضلة الشرج مع التقدم في السن

✅️ الإمساك والضغط أثناء التبرز أو بالعامية كده: بتحزق كثير

2️⃣ بواسير ثانوية (Secondary)

ودي بتحصل بسبب سبب واضح، مثل:

✔️ الحمل 🤰

بسبب زيادة ضغط البطن، وتأثير هرمون

 البروجستيرون اللي بيعمل ارتخاء في الأوردة فتمدد وتنتفخ.

✔️ أورام الحوض أو أورام المستقيم.

✔️ ارتفاع ضغط الوريد البابي في الكبد

ودي ممكن تلاقي معاها دوالي المريء.

⚠️ طالما النوع ده لية سبب واضح يبقي العلاج/ علاج السبب .

.....................…

⛔️ إيه أشهر الأعراض اللي تخليني أقول دي بواسير؟

✅️ نزول دم أحمر فاتح بعد التبرز 🩸

✅️ إحساس بكتلة أو بروز طالعة من فتحة الشرج

✅️ الحكة وعدم الارتياح

⚠️ وخلي بالك من المعلومة دي لأن ناس كتير متعرفهاش:

❌️الألم والوجع غالبًا غير موجود في البواسير الداخلية

إلا لو حصل:

- التهاب او جلطة  أو أي مضاعفات هنقولها تحت ⬇️

⚠️يعني البواسير الداخليه من نفسها كده غالبًا مش بتوجع

⛔️ درجات البواسير الداخلية ليها 4 درجات ⬇️

1️⃣ الدرجة الأولى

نزيف فقط بدون بروز خارجي، وغالبًا بتتشخص بالفحص الطبي

2️⃣ الدرجة الثانية

البواسير تنزل أثناء التبرز و ترجع لوحدها بعد الانتهاء.

3️⃣ الدرجة الثالثة

البواسير تنزل أثناء التبرز وتحتاج ترجعها بإيدك .

4️⃣ الدرجة الرابعة

البواسير بتكون خلاص نازلة في الشارع ومش بترجع.

...................…

⛔️ المضاعفات اللي ممكن تحصل لو أهملناها وكبرنا دماغنا:

"يا عم سيبك.. إيه يعني شوية دم وحاجة بارزة" 

تعالى أقولك المضاعفات ⬇️

▪️ نزيف متكرر يعملك أنيميا 

▪️ تورم دائم.                             

▪️ جلطة بالبواسير.                               

▪️ اختناق والتهاب 

▪️ قرحة أو عدوى.                  

⛔️💊 طيب إيه العلاج عند الدكتور؟

العلاج بيكون حسب الدرجة اللي ذكرناها فوق ⬆️

✅ الدرجة الأولى والثانية:

1️⃣ علاج تحفظي

✔️ علاج الإمساك laxative 

✔️ شرب مياه كثير 💧

✔️ أكل ألياف وخضار 🥗

2️⃣ أدوية زيDaflon tab, GTN Cream , lignocaine oint

3️⃣ ربط البواسير بالرباط المطاطي

Rubber Band Ligation

4️⃣ حقن أو كي حسب الحالة

- Cryosurgery

- Photocoagulation

- Injection Sclerotherapy

✅️🏥 الدرجة الثالثة والرابعة:

غالبًا تحتاج تدخل جراحي واستئصال البواسير

Hemorrhoidectomy

 بص كفاية كده النهارده، زي الفل لو عرفت لحد هنا 👌

خلينا نتكلم في البوست اللي جاي عن:

☢️ إزاي أفرق بين البواسير الداخلية والبواسير الخارجية والشرخ الشرجي

☢️ وإيه الأسباب الأخرى للنزيف من فتحة الشرج

أتمنى تكونوا استفدتوا 💙

وباااي 👋