متلازمة النفق الرسغي ✋ (Carpal Tunnel Syndrome)

#معلومه_طبية_رقم33 

🧠سيب لي دماغك وايدك دقيقتين ، ولو قرات البوست 

 ومفهمتش اكتبلي ف التعليقات وانا هدفعك فلوس🎆 🧨

🚨 بتيجي على آخر اليوم إيدك بتحس فيها بشكشكة وتنميل؟

بتصحى من النوم على تنميل في إيدك؟ ✋

الالم بيبقى رخم وأنا طالما قولت رخم يبقى المشكلة أعصاب🤔

🎯تعالوا مع بعض نتكلم النهارده عن⬇️

متلازمة النفق الرسغي ✋

(Carpal Tunnel Syndrome)

✍️بسم الله نبدأ ..

⛔️ إيه هو متلازمة النفق الرسغي ده؟ ومكانه فين؟ وإيه اللي بيحصل بالظبط؟

⬅️من الاسم كدا: نفق رسغي

يعني في منطقة الرسغ، اللي عند المفصل وكف اليد، 

فيه نفق معمول بعظام اليد، معدي من خلاله العصب المتوسط

 اسمه ( Median nerve)

العصب ده مسئول عن الإحساس والحركة في 3 صوابع ونص اللي بره 👌

هتبدأ تعد من أول: الإبهام ، السبابة ☝️ الوسطى ✌️،نص البنصر 

☠️كدا الصابع الصغير  مش هتحس فيه بأي تنميل علشان ده بيتغذى بعصب تاني. ودي حتة مميزة جدًا🔅

المشكلة هتبدأ بتنميل في الـ 3 صوابع ونص

لما العصب اللي رايح ليهم ينضغط عليه وهو معدي في النفق.

وده اللي هنعرفه في الأسباب اللي تضغط على العصب..

..............…

⛔️ إيه الأسباب اللي تعمل التنميل ده؟

أي حاجة تزود الضغط داخل الرسغ بتضغط على العصب

 ممكن تسبب المشكلة، زي:

1️⃣ الناس اللي بتستخدم إيديها فترات طويلة

زي اللي قاعد يكتب على التليفون 📱أو الكمبيوتر 💻 

أو بيكتب كتير بالقلم 🖊️

أو ستات بتشغل بإيديها كتير في شغل البيت 🧹 

2️⃣ التهاب او تورم في الرسغ أوحصل كسر  ⬅️يلطش العصب 

في سكته

3️⃣ التهاب المفاصل زي الروماتويد (Rheumatoid arthritis)

4️⃣ الحمل 🤰

5️⃣ مرض السكر

6️⃣ قصور الغدة الدرقية 

كل دول بسبب ترسب مواد معينة أو احتباس سوائل فتضغط على العصب.

............................…

⛔️ إيه الأعراض اللي هيجي يشتكي منها؟

⚠️طبعًا عارفين إن أي عصب شايل إحساس وحركة

✅️غالبًا الموضوع هيبدأ بالاحساس:

✨ تنميل و شكشكة

✨ إحساس كهرباء في الأصابع اللي قولنا عليها

وممكن يمتد لفوق الرسغ شوية 

✅️بعدها بالحركه ممكن تحس بـ:

✋ ضعف في قبضة اليد

🖊️ صعوبة مسك القلم أو فتح الزرار

🚨 ومن العلامات المميزة جدًا

إنها بتزيد جدًا بالليل، وممكن تصحيك من النوم

وعلشان تخفف الوجع شوية، تفضل تهز في إيدك 🚨

.....................…

⛔️ إزاي بنشخص؟ 

1️⃣التشخيص غالبًا بيكون من شكوى المريض:

“يا دكتور عندي شكشكة وتنميل في الصوابع دي” ويشاور عليهم 

تقوله: طب والصابع الصغير؟

يقولك: لا

وممكن  تلاقي فيه ضعف في إيده زي ما قولنا.

أنا كدكتور خلاص سمعت الأعراض 👨‍⚕️

2️⃣أعمل اختبارين اسمهم:

✔️ اختبار تينيل /خبط خفيف على الرسغ يسبب تنميل

✔️ اختبار فالين /ثني الرسغ لمدة دقيقة يزود الأعراض

دول بعرف أشخص بيهم 👌 

⚠️هحطلك صوره كل اختبار منهم في التعليقات بص عليهم⬇️

3️⃣ولو عاوز أتأكد أكتر وأعرف شدة الحالة:

📋 رسم عصب NCS

📋 رسم عضلات EMG

..........…

⛔️العلاج  بيختلف على حسب الحالة ؟؟

هبدأ أذكرهم لك بالترتيب، وكل حالة الدكتور 

بيختار ليها العلاج المناسب ⬇️

1️⃣ الحالات البسيطه:

✔️ راحة وتقليل استخدام اليد

✔️ دعامة راحه للرسغ

✔️ مسكنات ومضادات التهاب

✔️ علاج السبب مثل السكر أو الغدة أو الروماتويد

✔️ علاج طبيعي وتمارين

2️⃣عملت دول ولسه الأعراض مستمرة:

💉 حقن كورتيزون موضعي

3️⃣ولو عملت كل ده ولسه الموضوع زي ما هو:

عملية بسيطة جدًا لفك الضغط عن العصب 

ونتائجها ممتازة جدًا لو اتعملت بدري

............…

⚠️ الخلاصة

لو عندك الأعراض زي ما قولنا كدا بالظبط

متستهونش بالموضوع وزور الطبيب

لأن إهمال الحالة لفترة طويلة ممكن يسبب:

❌ ضعف دائم في الإبهام ❌ ضمور عضلات اليد

❌ تنميل مستمر ❌ ضعف في وظيفة اليد

💙 طولت عليكم معلش بس الموضوع يستاهل

إنت ممكن تقراه على كذا مرة براحتك.…

باااااي👋